Ik raat chalo tameer karain

Mar 9, 2013 by

Ik raat chalo tameer karain
khamoshi ke sang-e-marmar par

hum taan ke tareeki sir per
do shama-ain jalain jismon ki

jab aus dabay paon utray
aahat bhi na paye sansoon ki

kuhre ki raishmi khushboo main
khushboo ki tarah hi liptain rahain

aur jism ki sondhay pardon main
roohon ki tarah lehrate rahain

ik raat chalo tameer karain

Related Posts

Tags

Share This